FILASTROCCHE E PROVERBI

FILASTROCCHE E PROVERBI
Raccolte dagli studenti di Spotorno

FAELA BALLA’
Ffaela balla ch’a l’è quella de peie

faela balla che de peie a ghe n’ha:

unn-a corba sotto a-o letto

e n çestin in mezzo da ca.

CAREGHETTA D’OU
Careghetta d’ou

cha peisa ciù che l’ou

l’ou e l’argento

ch’a peisa ciù che o vento;

vento venton

caccia all’aia o caregon !

QUESTO O L’E’ L’EUGGIO BELLO
Questo o l’è l’euggio bello

questo o l’è suo fratello

questa a l’è l’oegia bella

questa a l’è sua sorella

questa a l’è gexetta

con tutti i careghin

questo o l’è o campanin

ch’o fa din din din.

MADDALENA FRITA IN POELA
Maddalena frita in poela,

scarpe gianche e roba vegia,

ecco un feuggio de pappè,

Maddalena a fa i fidè,

i fidè no son ancon cheutti

Maddalena a fa i bescheutti,

i bescheutti son bruxae,

Maddalena a fa i cuggiae,

i cuggiae son de latton,

Maddalena a fa o mincion,

o mincion o no se dixe,

Maddalena a fa camixie,

e camixie son de teja,

Maddalena bonna seja !

ACCOMPAGNEMMO L’ORBETTO
Accompagnemmo l’orbetto in ciassa

pe cattà de l’insalatta;

insalatta no ghe n’è,

gh’è de l’uga moscatella,

tre palanche a l’axinella;

mi palanche no ghe n’ò,

se spendiemo quello che gh’ò.

O FOA DO BESTENTO
A l’è a foa do Bestento ch’a dua

ch’a dua lungo tempo:

ti veu che te a conte ?

E se ti veu che te a conte te a contio.

De sci no se dixe

perchè a l’è a foa do Bestento

ch’a dua lungo tempo....

Ti veu che te a conte ?

E se ti veu che te a conte a te contio.

De no no se dixie;

Perchè a l’è a foa do Bestento

ch’à la dua da lungo tempo...

I MEIZI
De Zenò

tia a simme da u caigò

De Frevò

batte a massada u ferrò

De Marsu

tuttu o lè scarsu

D’Arvi

l’eoviu o va a sc-ciù

De Mazzu

scexe all’assazzu

Zugnu

u se impe u pugnu

De Luggiu

u se fa u muggiu

De Agustu

u secca u custu

De Settembre

u se taggia quellu cu pende

D’Uttubre

u se muggia e muxe

De Nuvembre

u feugu a se çende

De Dixembre u nughe ciù guei da vende.

NINN-A NANN-A
Fa a nann-a pupun de pessa

che a mumà

a l’è andeta a messa

e - u pupà a zeugò u balun

quando ò vegne

o te porta u bun

fanni a nann-a

u me pupun.

A RUNDANINN – A
Rundannin-a teitu a teitu

porta l’euio a San Beneitu,

San Beneitu u nu ne veu

porta l’euio a-i seu figgieu,

se figgieu nu ne veognan moneu

porta l’euio a Spiritu Santu,

Spiritu Santu le-u sou piggia

u so-u mette’n ta buttiggia,

quellu pocu cu ghe vansa

u so-u mette’n ta scu lampa.

Lampa lampetta

Madonna in cappelletta

Segnou in zenuggiun

o che bella oraziun,

quande a messa a l’è a l’artò

tutti i previ i van a cantò

quande a messa a l’è finia

tutti i angei’n cumpagnia.

U L’E’ U BACICCIA
U Baciccin tricche tracche

cu l’ha mangiò quattorze vacche

e ‘na testa de vittellu

u Baciccia o-ga u seiguellu

u ga azzuntò un porchettin

u l’ha bevio un barì de vin

u Baciccia o-ga o pansin.

PROVERBI

Sant’ Antogno gran freidua, San Loenso gran cadua: l’unn-a e l’altra poco dua.

Se cieue o giorno de l’Ascension, l’anna a va in perdizion.

Se l’è zugno sensa vento, l’anna a va a sarvamento.

Quando e nuvie van a - o ma’, ciappa a sappa e và a cavà. Quando e nuvie van a - o bosco, piggia o cappotto e mettitelo addosso.

A-i Santi se veste da inverno i fanti, a San Martin i grandi e i piccin.

Bella vigna, poca uga.

Quando comensa o soleon, piggia i libri e mettili in t’un canton.

Ol’è megio frustà e scarpe che i lenseù.

Va ciù un amigo che çento parenti.

Quando o lò o l’ha fame s’attacca finn-a a-e poasse.

No gh’è bella scarpa ch’a no divente unn-a brutta savatta.